Bodor Kunti

kunti-kunti hihihihi..

Kacaritakeun dihiji lembur singkur. Harita jaman can aya listrik, barudak mun geus manjing sareupna sok ngarampih di imah sewang sewangan. Nu geus rada hideng indit katarajug diajar ngaji cenah. Kabeneran harita ditajugna diajar do'a rek emam.

Pas balik ti tajug, barudak ngalabring nu panghareupna mawa obor. Disatengahing marga, aya kunti nembongan. Nya barudak ngajarerit maratan langit ngaroceak maratan jagat. Reuwas, ngan henteu ari lalulumpatan mah.

Maranehna inget ceuk pa Kiai, mun aya jurig kudu maca du'a. maranehna kakara bisa ngadu'a rek emam. Antukna barudak teh maca du'a rek emam pa tarik tarik.

"ALLOHUMA BARIK LANA,FIMA ROZAKTANA,WAKINA ADZABANNAAAAAR".

Barang ngadenge barudak maca du'a. Kunti na reuwas bari pok ngomong kieu, "Aduh.. aing rek dihakan ku barudak. KABUUUUUUUUUUUUR...!"